Saúda do alcalde
Benvida do rexedor municipal do Concello de Sada
Recibe a benvida a este espazo virtual desde o que che ofrecemos datos e información de Sada.A administración local é a institución pública máis próxima á cidadanía e queremos que coñezas todos os servizos e actividades que podemos prestarche cando o precises, de forma áxil e accesible alí onde te atopes, de maneira que a distancia física ou o teu horario laboral non sexan un impedimento para sentirte máis cerca de teu concello.
Ademais da información diaria actualizada, poderás consultar convocatorias e anuncios, obter impresos e, tamén, pretendemos que poidas xestionar ou comunicar asuntos do teu interese desde esta oficina virtual.
Así mesmo é a nosa intención que sirva de escaparate para amosarlles aos visitantes desta web as tradicións e a riqueza cultural e paisaxística deste enclave privilexiado da área metropolitana da Coruña. Se é este o teu caso, poñemos ao teu alcance datos de interese para que despois desta visita virtual te animes a coñecer en persoa a oferta variada de Sada, un lugar ideal para compatibilizar as obrigas laborais co aproveitamento do tempo de ocio.
Unha aperta,
Abel López Soto
Alcalde do Concello de Sada
