Novas
A UDC organiza do 20 ao 24 de xullo en Sada o curso de verán ‘Política social europea e inclusión social’
03/07/09 A Universidade da Coruña (UDC) en colaboración coa Concellería de Educación e Xuventude, responsabilidade da socialista Raquel Bolaño, e coa Deputación da Coruña organizará en Sada o curso de verán ‘Política social europea e inclusión social’ (ver programa) entre os días 20 e 24 de xullo de 2009. Do 20 ao 23 desenvolverase na Casa da Cultura Pintor Lloréns e o 24 será clausurado no Paraninfo do Rectorado da USC.
A Casa da Cultura acolle ata o 15 de xullo unha mostra de tintas e acuarelas de Carlos Silvar
03/07/09 ‘Unha ollada natural’ é o título da exposición de tintas e acuarelas de Carlos Silvar que se poderá visitar na Casa da Cultura Pintor Lloréns de Sada entre os días 2 e 15 de xullo. A mostra, que se enmarca no ‘I Congreso Internacional Natureza e Imaxe’, está integrada por cadros cedidos polo Centro de Extensión Universitaria e Divulgación Ambiental de Galicia (CEIDA) ao Concello de Sada para seren expostos dentro da programación municipal do Departamento de Cultura.
Sada será a sede o día 4 de xullo da primeira edición do ‘Salón de retroinformática nas Mariñas’
03/07/09 O pavillón municipal de Deportes de Sada será o punto de encontro mañán sábado, día 4 de xullo, para os nostálxicos da informática da área metropolitana da Coruña. Porque acollerá o ‘I Salón de retroinformática nas Mariñas’, unha feira retro que se desenvolverá en horario continuo desde as 10.00 ata as 20.30 horas e na que se exporán os primeiros ordenadores e consolas que saíron ao mercado hai xa máis de dúas décadas.
Gadisa fíxolle entrega ao Concello dunha acuarela do pintor sadense Manuel Gandullo
02/07/09 O Director de marketing da empresa Gadisa, Antonio Cortés Lobato, fíxolle entrega ao Concello de Sada o pasado martes -día 30 de xuño- dunha acuarela de 77x57 centímetros do autor sadense Manuel Gandullo. O representante da empresa galega de distribución de alimentos entregoulle o agasallo institucional ao Alcalde e á Concelleira de Cultura, os nacionalistas Abel López e Gabriela Castro, respectivamente.
O Goberno local inaugura o 1 de xullo ás 20.00 horas as obras de mellora do bulevar da Avda. da Mariña
30/06/09 O Goberno local inaugurará mañán, día 1 de xullo, as obras de mellora realizadas no bulevar da Ada. Da Mariña. O acto principiará ás 20.00 horas e ao mesmo asistirán o Alcalde, Abel López; o Concelleiro de Obras, Miguel Tenreiro, e outros membros do equipo de Goberno; así como os cidadáns e cidadás que o desexen.
Convocatorias
PERFIL DE CONTRATANTE: O 3 de xullo procederase á apertura das ofertas económicas da obra 'Substitución das instalacións de abastecemento de auga e saneamento e as súas acometidas a vivendas na Tenencia
En prazo de presentación O Concello de Sada informa de que o día 3 de xullo, ás 12 horas, terá lugar a apertura do sobre C (Oferta económica) das plicas presentadas á licitación da obra 'Substitución das instalacións de abastecemento de auga e de saneamento e as súas acometidas a vivendas no núcleo tradicional da Tenencia' (Proxecto incluído no Plan Provincial de Cooperación cos Concellos (PCC) 2008/2011). A apertura do sobre terá lugar no edificio de usos administrativos sito na Avda. da Mariña nº 25. Para consultar a convocatoria, clica aquí
PERFIL DE CONTRATANTE: Redacción do PXOM do Concello de Sada
En prazo de presentación Anuncio para o contrato da Redacción do Plan Xeral de Ordenación Municipal do Concello de Sada. Nos documentos que se adxuntan figura a información técnica. O Concello de Sada anuncia que o venres, 3 de xullo, procederase á apertura do sobre C a partir das 09:00 horas no edificio municipal da Avda. do Porto por parte da Mesa de Contratación. O contido deste sobre correspóndese coa oferta económica dos licitadores. Para consultar a convocatoria, clica aquí
Axenda
A Casa da Cultura acolle a exposición de tintas e acuarelas de Carlos Silvar 'Unha ollada natural'
[3 de xullo de 2009] A Casa da Cultura Pintor Lloréns acolle -entre os días 2 e 15 de xullo- unha exposición de tintas e acuarelas do artista Carlos Silvar. A mostra, que leva por título 'Unha ollada natural', enmárcase no 'I Congreso Internacional Natureza e Imaxe. A exposición será inaugurada o día 2 de xullo ás 20.00 horas.
Avisos
O Concello fai pública a listaxe de admitidos/as na Escola Municipal de Música para o curso 2009-10
A Concellería de Educación, responsabilidade da socialista Raquel Bolaño, fai pública a listaxes de persoas admitidas na Escola Municipal de Música para o vindeiro...
Consulta aquí a listaxe de persoas admitidas e a valoración dos seus méritos no proceso selectivo para a provisión dun posto de arquitecto/a técnico
O Concello de Sada fai pública a listaxe de persoas admitidas para participar no proceso selectivo (concurso libre) para a provisión dun posto de arquitecto/a técnico. A vixencia...
